Evit ar re o deus c'hoant lenn met ne ouzont ket petra lenn

Setu amañ al lec'h evit kinnig al levrioù o deus plijet deoc'h d'ho keneiled klas termen.

N'eus forzh peseurt doare levr a zo degemeret : polis, skiant-faltazi, karantez, ha me oar petra c'hoazh gant ma'z eo plijus, pe kavet plijus ganeoc'h da nebeutañ .

Arguzennit da nebeutañ un disterañ ho soñj war al levr. Gellout a rit lakaat titouroù ouzhpenn, ar golo, ...

DIWALLIT : na gontit e mod ebet fin an istor pe elfennoù a dorrfe ar "suspens" en ho pennadoù kinnig.

Trugarez deoc'h holl ha bevet al levrioù !

Setu kregiñ a ran. Kemerit skouer warnon evit sevel un doare fichenn

E-touez al levrioù am eus lennet er mare-mañ e kinnigfen mat unan deoc'h.

Maintenant, c'est ma vie eo an titl e galleg How I live now er yezh orin, da lavaret eo ar saozneg (Breizh-Veur) ha Meg Rosoff eo anv ar skrivagnerez.

Setu penaos eo (ar golo da nebeutañ) :



Un tamm "kuku" ar golo met boñ.

Al levr-se en deus troet er gêr etre ma breur ma c'hoar ha me hag an holl o deus kavet anezhañ plijus. Lennet e vez buan ha n'eo ket gwall hir a-fed pajennadoù kenebeut.

An istor :

Daisy, krennardez o tont eus New-York a ya da vevañ e ti he c'hendirvi, war ar maez e Bro-Saoz evit ar vakañsoù hañv. Ur gwalldaol e Londrez a lako ur brezel da gregiñ er vro ha dispartiet e vo ar c'hendirvi. Klask a raio Daisy o adkavout e-kreiz ar brezel.

Levr kentañ Meg Rosoff eo hemañ ha resevet en deus dija kalzig a brizioù evit lennegezh ar yaouankiz koulz e Bro-Saoz hag e lec'h all. Tud'zo a lavar dija e chomo al levr-se e-touez levrioù brasañ al lennegezh evit ar yaouankiz gant re J.K. Rowling, Roald Dahl hag all.

Evit ar re n'o deus ket tro da vont d'ul levraoueg bennak, ret deoc'h gouzout e koust al levr 12 euro en ur stal levrioù ha betek 11 euro 40 war internet (FNAC pe Amazon) : pebezh distaol !!!

Setu echu ganin ma fennad bruderezh.

Deoc'h da reiñ o ali war al levr-mañ pe da ginnig lod all bremañ !!

n'eo ket evit ober bruderez, met evit ar re hag a klask traoù war an FLB-ARB, al levr skrivet gant Lionel Henry & Annick Lagadec a zo mad a-walc'h. An enklask a zo spis hag an darvoudoù a zo kontet evel ma 'z int tremenet e gwirionez. Evel-se e respontan d'r goulenn hag a zo bet graet din met ne ouezhan ket mui gant piv.

ul levr m'efe da aliañ ( fin meur a hini e gwirionez met unan 'vo trawalc'h ar wech mañ^^)
setu:
" La ballade de l'impossible" gant Haruki Murakami
an istor: An haroz ( 'm eus ket soñj eus e anv ) a adkav ur vignonez lise, a oa karedig e vignon gwellañ. Eñ 'oa amourous diouti ivez, met pa'z eo en em lazhet e vignon gwellañ n'int et en em welet ken...
Un tammig luzhiet e vefe da gontañ, met ul levr plijus tre eo, un tammig dreist-wirvoudel, hag a blijo d'ar re a blij dezhe ar Beatles (ha da re all ivez memestra) peogwir e vez kaoz diouzh o c'hanaouennoù en destenn... un istor karantez eo, met un istor trist, el lec'h ma zesk an harozed en em zizoleiñ, ha mestroniañ o santimanchoù (yeah!)
N'ouzon ket re penaos reiñ c'hoant deoc'h lenn al levr-se, met plijet 'n eus kalz kalz din... levr ar bloavezh 2005 evidon!^^

m'ho peus netra da lenn, grit eveldon :
sellit war ho listenn traoù d'ober ' benn an distro !
me 'm eus da lenn 3 levr (n'eo ket re)
kregin a ran gant don quijote de la mancha ! e galleg ...
lavaret a rin deoc'h ma 'z eo plijus !
lod o deus e lennet dija ?

Bez em eus l'histoire de la médecine hag a zo bet prennet din gant va zad ha daou levr diwar benn an "Anatomie humaine"...plijadur en perspective!!!

Evit ar re a blij dezho ar romantoù polis pe ar pezh a vez anvet "thriller". Setu aze unan eus ar re wellañ am eus bet tro da lenn er mare-mañ.

Shutter Island gant Dennis Lehane eo al levr.



An istor buan ha buan :

Daou archer a zo bet kaset war une enezenn gollet, warni un ospital 'vit tud klañv bras o spered ha dañjerus. Ret eo dezho adkavout roud ur plac'h a zo tec'het kuit. Buan e merzhont ne seblant ket posupl e vefe tec'het kuit he-unan. Met penaos neuze ? Gant sikour unan eus ar glañvdiourien ?

Un istor a vez lennet buan-tre ken kreñv eo ar suspens.

lennit Don kic'hote ! dreist eo !
evit gwir eo nul, ken nul ma 'z eo plijus, plijus kenan zoken !
farsus eo, n'eo ket kompliket (tamm ebet), ouzhpenn se eo mat evit an holl lennerien : kement evit ar re a lenn buan, kalz hag evit ar re az a gouestat (eveldon, ya abaoe ur miz emaon gantan, pe dost ... met bon, stajoù dabu a zo memestra !). perak ?
peogwir eo berr ar pennadoù (15 pajenn d'ar muian tout (bon, gwir eo ez eo hervezh an edisioun)),met echuin a reont (kichamant) atav gant "hag e lavaras ar pezh a c'hlloc'h lenn er pennad a zeu ..."
setu, me lavar deoc'h, evit ar suspens eo dreist ! ma lazhoc'h ar goullou e fin ar pennad, ne c'helloc'h ket kousket peogwir ho po c'hoant gouzout peseurt sotoni a lavara DK !

O paouez echuiñ "La baleine blanche" emaon, unan eus romantoù niverus Jacques Lanzmann, foeter-bro a-vicher, skriver kanaouennoù (kazi holl ganaouennoù Dutronc zo bet skrivet gantañ), ha marvet un nebeut sizhunvezhioù 'zo.

Setu da gentañ ar golo :



Kontañ a ra istor ur paotr yaouank trizek bloaz hag e dad-kozh aet da glask war-lec'h an tad kollet, o vale en ul lec'h bennak en Himalaya.
Un istor karantez eo, etre ar bugel hag an tad-kozh, etre ar bugel hag ur plac'h, etre an den hag an natur, ha me oar me...
Dispar eo an doare m'eo deskrivet ar vuhez eno, pa erruont e Katmandou, an hippied e pep lec'h, paourentez an dud, met ur vuhez seder ha laouen memestra.

Roet en deus al levr-se c'hoant din da vont da vale eno !

En ur c'hortoz on kroget da lenn ul levr all gant Lanzmann, "Le Lama bleu", ha ne seblant ket fall kennebeut...

Just evit kaout ur soñj eus doare an den, setu petra lâr wikipedia war e vicherioù :

Citation :

* Ouvrier agricole,
* Artiste peintre (1948-55),
* Mineur au Chili (1952-53),
* Ecrivain (depuis 1954),
* Boursier de la fondation Del Duca (1960),
* Journaliste à l´Express (1960-62),
* Animateur de Rendez-vous avec lui à Europe I (1966-67),
* Rédacteur en chef de Lui (1963-68),
* Gérant des Editions spéciales (1968-74),
* Directeur de collection aux éditions Denoël (1972-74),
* Journaliste (rubrique télévision) puis Chroniqueur (depuis 1978) à V.S.D.,
* Auteur de plus de 150 chansons,
* Producteur de films,
* Scénariste entre autres de films de Philippe Labro,
* Chroniqueur sur la chaîne Voyage (1997),
* Directeur littéraire aux éditions Ramsay (1995).

Komz a rin eus ur vandenn dreset evit cheñch.

Aliet eo bet din lenn ar vandenn-dreset-se, nevez deuet er-maez.

Magasin général (Tome 1 : Marie) (tri levr a vo war a seblant)

Setu ar golo :



Peurliesañ e vez daou den oc'h ober ur BD, unan o tresañ hag unan oc'h ober ar scenario. Aze evit ur wech eo disheñvel mat an traoù. Tripp ha Loisel (treser ar BD Peter Pan), daou dreser brudet mat e bed ar BD o deus treset hag ijinet an istor asambles.

An istor : E Bro-Gebeg eo lec'hiet an istor, e-pad ar bloavezhioù 1920. Ur c'hebekiz en deus sikouret an daou aozer da reiñ ur blaz gwir eus ar vro e komzoù tudennoù al levr.

Ma ali : Brav-eston eo an tresadennoù ha plijus an istor. Mall-zo warnon lenn al levrennoù 2 ha 3. Ma gejit gant ar BD-se, lennit anezhi.

Citation :

tremen a ra an istor e Bro-Gebeg er bloavezhioù 1920. Ur c'hebekiz en deus sikouret an daou aozer evit reiñ ur blaz gwir eus ar vro e komzoù an dud.

>>>> Daou zevezh a roan dit da reizhañ se !

An istor a krog e Moskou e miz kerzu 1991. Ur plac'h anvet Alice Lindell, ur gapitalourezh amerikan brein hag a labour evit an FMI a zo e karg prevesadur (privatisation ??) ul labouradeg. Anvet "Here ruz" al labouradeg-se e lec'h ma vez fardet Vodka a zo meret gant penn mafia moskou.
Etre ar brezel etre ar Mafiaoù hag un istor muntroù kontet war 100 devezh e vez kavet ivez un istor karantez...
...hag ur fin eus ar re souezhushañ...

Echuet am eus al levr-mañ ar sizhun tremenet.

Disheñvel-kenañ eo eus ar pezh 'lennan boas, met kavet am eus anezhañ plijus memestra.

Ar skrivagner, Haruki Murakami, a zo ur mailh evit lakaat al lenner da vezañ tost ouzh an tudennoù.

Iskis a-walc'h eo ar fin met chut... Ne lavaran ket muioc'h, lennit anezhañ !

Ul levr filo bremañ. Bezomp sirius un tamm a-wechoù !



Brudet a-walc'h eo Michel Onfray, ur prederour gall a-vremañ. Skrivañ a ra kalzik. Al levr-se a zo un doare "manifeste" o tiskwel perak eo gwell bevañ hep relijion eget gant unan, gant arguzennoù e-leizh.

Dedennus-kenañ am eus kavet al levr-se rak desket e vez kalz traoù war ar relijionoù ne vezont ket lâret d'an dud evit ma chomfent o krediñ.

Tu zo rebechiñ da M.O. bezañ un tamm re d/"taer" a wechoù, met da nebeutañ e skriv ar pezh a soñj.

Evit chom neutral e kinnigan ivez ar "respont" bet graet dezhañ, al levr "L'anti-traité d'athéologie, le système Onfray mis à nu" gant Matthieu Baumier, zoken ma ne 'm eus ket lennet anezañ.

Gwelet a ran n'eo ket bet lakaet traoù nevez amañ. Lennet em eus ul levr plijus ar sizhun tremenet anvet Le sang du temps. Skrivet eo bet gant Maxime Chattam ha war a -seblant ar skrivagner-mañ a zo brudet a-walc'h bremañ (skrivet en deus ivez Le Ve Règne hag a zo ur best-seller). Ur thriller eo (dav e vo din goulenn d'unan bennak ur wech penaos e vez distaget ar ger-mañ a-benn ar fin ).
D'un tu e vez heuliet istor ur plac'h a zo o labourat evel sekretourez en ul labo evit ar re varv (evit ober autopsiennoù...) ha dizoleiñ a ra ur sekred-stad. Dav eo dezhi neuze kuitaat he labour hag he ranndi e Pariz, ha kaset eo gant an DST (D? Sécurité du Territoire) e Menez-Sant-Mikel d'en em guzhat. Du-mañ e ra anaoudegezh gant ur strollad breudeur ha c'hoarezed (tud a iliz) iskis-kenañ.
Stok ha stok e vez istor ur Saozon a zo o vevañ e Bro-Ejipt e 1928, un archer eo. Kregiñ a ra un enklask evit adkavout ur muntrer ispisial : ur goul, da lâret eo ur seurt diaoulez hag a zebr ar re varv tennet diouzh ar bez (ur vojenn ejipsian eo). An den ne gred ket re ar vojenn, met iskis eo ar muntroù : bugale a zo kavet torret e daou (neuze eo ret kaout un nerzh spontus) ha gant sper warno (ar muntrer a zo plijet gant an traoù spontus e ra hag ur paotr e vefe neuze).
Paouez a ran mod-all e gontin an istor a-bezh neuze setu a-benn ar fin an div istor a zo liammet met n'eus ket tu divinout mat perak e-penn kentañ, ha pa hon eus divinet tamm-pe-damm, un dra disheñvel ha souezhus a c'hoarvez. Fin an istor a zo souezhus-tre (evidon d'an nebeutañ). Plijus a-walc'h eo al levr, zoken ma vez pennadoù re hir a-wechoù.

Maxime Chattam a zo unan eus ma skrivagnerien karetañ. Un ezel eus forum e "fan" emaon hag ar chañs am eus bet da gejañ gantañ e Pariz ar bloaz-mañ. Digor kenañ eo ar paotr gant e lennerien, ha dedennus tre.
E levr a zeu "Prédateurs" a zeuio er-maez e miz Ebrel.

Beñ ne anavezan ket re e levrioù met dija an hini 'meus lennet a ro c'hoant da genderc'hel. N'on ket souezhet e blijfe dit, dija gouzout a ran e blij dit Grangé. Adlennet em eus La ligne noire ur sizhun 'zo, prestet ez poa din al levr e kentañ klas met disoñjet em boa un tamm an istor. Abaoe un nebeut mizioù on kentoc'h en ur mare Werber, echuet em eus Le père de nos pères pemzektez 'zo ha bremañ eo tro L'empire des anges evit ar pedervet gwech Dispar eo Werber me 'zo ur gwir groupie !
Ha daoust hag-eñ ez eus skrivagnerien polar dedennus er mare-mañ ?

War-bouez Chattam ha Grangé (hag a zo o paouez skrivañ ul levr nevez deuet er-maez ar sizhun tremenet) ez eus ur gwir "gwagenn nevez" skrivagnerien gall romantoù "polis".

Gellet a ran mennegiñ :

-Franck Thilliez, en deus resevet dija meur a briz (4 levr)

-Laurent Scalese, ket fall tamm ebet

-Thierry Serfaty, dreist, met atav ul liamm gant ar medisinerezh, ar skiantoù, a c'hellfe displijout da lod, daoust ma'z eo displeget en un doare simpl

-Hématome gant Maud Mayeras, romant kentañ ur plac'h 22 vloaz, dreist

-L'oeil de Caine gant Patrick Bauwen, "thriller" ar bloaz hervez darn vrasañ al lennerien war ar forumoù polar. N'em eus ket lennet emañ c'hoazh.

Mod all er mare-mañ em eus kavet AR skrivagner romantoù polis (war-bouezh Agatha Christie) da lâret eo James Ellroy.
Romantoù hir, gant ur gwir aergelc'h, taolennadurioù, hag evel-just muntroù ha suspens. Romant polis ha gwir lennegezh war un dro.


Ma peus c'hoant kavout soñjoù evit lenn "polar-où" kae da welet al lec'hienn http://polars.pourpres.net a zo dreist. Tu zo dit kavout al levrioù pe ar skrivagnerien gant an notennoù gwellañ, lenn atersadennoù, kavout romantoù dre zegouezh, ...

Siwazh ne brenan ket alies levrioù deuet er-maez nevez 'zo, n'int ket marc'hadmat-tre. Da 20 euro al levr (war-dro), kavout a ran gwelloc'h prenañ levrioù "godell". Gwir eo ret eo din gortoz ur c'hwec'h miz bennak a-raok ma vefent embannet en ur ment bihanoc'h, met gwelloc'h eo din prenañ ha lenn ur bern levrioù diwezhatoc'h eget un nebeut re bremañ.
A-benn ar fin trugarez bras Hoel peogwir em eus kavet mennozhioù dedennus evit ma levraoueg war al lec'hienn "polars pourpres". Diaes eo din kavout levrioù a blij kalz, klask a ran istorioù don, prederiet, ha gwirion, alies liammet gant traoù kozh (evel e-barzh La sang du temps hag a c'hoarvez en amzer vremañ hag e 1928, ouzhpenn en ur vro all, ar pezh a zo dedennusoc'h c'hoazh !). Graet em eus ul listenn levrioù da brenañ an dibenn sizhun-mañ, neuze lakaat a rin pennadoù nevez amañ da reiñ ma ali

ma fell deoc'h cheñch un tamm eus ar romantoù polis hag an heuliennoù du
e kinnigan deoc'h lenn "Laura Brams", gant Patrick Cauvin.

Bon, ok, un istor karantez - evel boaz gant P. Cauvin - met skrivet en ur mod fentus-kenañ, ha gant tem an azginivelezh (ket ar maread istorel, ar fed bevañ meur a vuhez disheñvel da heul).

Ha me fell deoc'h lenn traoù all eus ar paotr-mañ, "Pourquoi pas nous ?", karantez farsus adarre, etre ur pezh mell c'hoarier catch ha renerezh ur stal levrioù.

Ya n'eo ket fall kinnig istorioù karantez. Un tamm levenez er bed-mañ a ra vad d'an holl

Kroget em eus hiziv da lenn Ne le dis à personne skrivet gant Harlan Coben. Ar film a zo aet er-maez n'eus ket pell, met gwelloc'h eo lenn al levr a-raok, evel-just. Lennet em eus ur c'hant pajenn bennak, ha plijus kenañ e gavan anezhañ. Un tamm diaes a-wechoù da heuliañ an holl liammoù a zo etre an dudennoù, zoken ma n'int ket displeget don-tre da virout ar suspens. Kollet on tamm pe damm, pe d'am soñj gant an dibenn, ar goulou a teuio diouzhtu en va spered...
An istor a zo dedennus : gwreg un den a zo lazhet gant ur muntrer "en série". Eizh bloaz war-lerc'h ar paotr-se a resev ur mail gant ul liamm a gas anezhañ war ul lec'hienn o tiskouezh ur straed filmet en amzer gwirion. War ar skeudenn e wel e wreg, bev. Iskis, neketa ? Ha just d'ar mare-mañ an FBI a dag anezhañ peogwir e gred dezhañ eo eñ muntrer e wreg ! Souezhus...

Mod-all prenet em eus ivez Pars vite et reviens tard, c'hoazh ul levr a zo bet lakaet e film n'eus ket pell. Skrivet eo gant Fred Vargas. An diverradenn a gomz nemet diwar-benn arouezioù iskis livet war dorioù ranndioù hag ur seurt "nerzh" diaoulek. Gwelet 'vo !

An trede ha diwezhañ hini a zo L'homme à l'envers a zo bet skrivet gant Fred Vargas ivez. Bleizi gouez a lazh deñved en ur gêriadenn e Bro-C'hall. Met an dud a gred kentoc'h eo amañ oberenn ur bleiz-"garou". Pa vez kavet korf ur vaouez dic'houzouget en he atant, spontet eo an holl. Neuze, bleizi pe gwasoc'h ??? Teñ teñ teñ

Kontañ a rin deoc'h pep tra e fin ar sizhun, pa vo echu ganin lenn pep tra.

lennet 'm eus 2 levr Fred Vargas, ha keit ma 'maoc'h ganti e alian ac'hanoc'h da brenañ( pe kentoc'h amprestiñ el levraoueg, rak kalz a zo) an holl, peogwir int holl dreist.
"pars vite et reviens tard": un drugar! dibabet 'peus mat Oro!^^

Ya, gwir eo un drugar eo al levr-mañ (Pars vite et reviens tard). Kroget em eus anezhañ dilun mintin, hag echu dilun da noz Ken plijus e oa e lenn !! Me oa souezhet gant pep tra, ne 'meus divinet netra a-raok ar fin (marteze on re nunuch evit kavout respontoù, met ne gred ket din). Ur perzh fall zoken : re verr... Ouzhpenn da se, al liammoù istorel... Ur gwir blijadur eo (aliañ a ran Les piliers de la terre gant Ken Follet, a dremen er Grennamzer, pa veze savet Ilizoù-Veur, ha n'eo ket tamm ebet "borodus eus ti borodus" ).

Echu ganin ivez Ne le dis à personne, disul da noz. Dedennus, hag iskis, met re amerikan a-wechoù gant FBI hag all a zo skuizhus da heuliañ, atav o deus c'hoant bezañ harozed. Ar gudenn gant ar romantoù amerikan, n'eus ket kalz a istorioù don, a muntroù "psikologel" (doare Grangé, hag a zo ur mestr gant e istorioù dibar ha ken tort). Met dedennus, ya, souezhet on bet gant dibenn al levr.

Laosket em eus da gostez L'homme à l'enversgant Vargas, evit ar poent. Lenn a rin anezhañ e-pad an dibenn sizhun.

Bremaik em eus kroget Sans feu ni lieu gant Vargas atav (heñchet gant da ali, Ma, met ivez peogwir e blij din an doare skritur, an doare da gontañ an darvoudoù). Lennet em eus ur c'hant pajennad bennak. Ober a ran an enklask d'ar memes mare hag ar c'homiser, prederiañ a ran war ar muntroù, perak e vefe an den-mañ al lazher... E-barzh on penn-da-benn, beuzet gant an enklask hag ar blijadur !!!!

Ha prenet em eus ivez La Forêt des ombres gant Thilliez.

Met dav eo din paouez un tamm prenañ levrioù evit ar poent. Dija e vin paour-razh a-benn nebeut dre se
Met dreist-holl peogwir e rankan lenn ar Barzaz Breiz a-raok an arnodennoù.. Un dre gomz ouzhpenn... Tri levr a zo da zibab dre zen, ar pezh hon eus c'hoant, met unan a rank bezañ bet skrivet a-raok an XXvet kd. Aes... Etre ar Barzaz hag Emgann Kergidu, dibabet em eus buan ! Met diaes eo da lenn. Ur vaouez hag a studi ar Barzaz er CRBC a lâr e vez al levr-mañ e holl familhoù Breizh pe dost, met n'eus ket kalz tud hag o deus lennet anezhañ. En he studiadenn e vez kavet ur frazenn gwir-tre da aoueziañ perak : "un livre sacré mais illisible". Ha gwir eo, evit an holl ar Barzaz a zo AL levr ! Doujañs a zo e-leizh ! Met gant piv eo bet lennet ?
Marteze (sur a-walc'h) ne lennin ket pep tra d'un taol en ur miz (amzer vo ganin em puhez ).
Va daou dibab all a zo Argantael gant Abeozen (dav eo din ober enklaskoù war ar mare, diwar ar bolitikerezh, ne m'eus komprenet netra ). Ansav a ran, leñvet em eus er fin. Ha leñvet mat Ken trist eo gwelet an den o welet e vignonez hag o vugel o vervel... Ansav a ran ivez ne 'meus biskoazh lennet al levr er skolaj , ne blije ket din tamm ebet an istor d'ar mare-mañ (el lise ne blije ket din abalamour d'ar c'helenner). An eil dibab a zo An ti a drizek siminal gant Roparz Hemon. Ul levr dispar. Ar gwir a zo dibab ul levr aes ma vez ul levr diaes en daou all, evidon : ar Barzaz evel-just.
Setu, kontet ma vuhez studierez... Noz vat deoc'h holl !
Nemet un draig da lakaat ac'hanoc'h da fuloriñ : ar vakañsoù eo evidon abaoe kreisteiz hiziv (va c'helenner n'eo ket amañ digwener, ha ne 'meus kentel ebet d'ar yaou) !!!

La forêt des ombres a zo plijus, met gwelloc'h a zo e-keñver romantoù Thilliez. La chambre des morts pe Train d'Enfer pour Ange rouge a zo dreist.