Neuze neuze... Ur gudenn displijus eo kavout labour er mare-mañ, zoken evit an hañv. E-penn kentañ e kasen CVoù ha lizhiri da bep lec'h, met gwelet em eus mat ne gerzhe ket tamm ebet, ha ne oa tost den ebet o respont din. Marteze peogwir e glasken ul labour adalek bremañ, da lakaat arc'hant da gostez evit paeañ va ranndi adalek miz Even, ha n'eus ket kalz a dud a gemer studierien da labourat bemdez pa 'z int c'hoazh o heuliañ kentelioù... Alies eo ret kouezhañ war an "okaz" dic'hortoz. Spi 'meus evidout Ma ez po muioc'h a chañs egedon, peogwir eo un istor chañs ha ket nemet un istor entan pe skiant-prenet hiziv an deiz siwazh...
Neuze aet on e Adecco e Brest. Lâret em eus dezho peseurt labour e oan gouest d'ober, ha lâret em eus ur bern traoù evit bezañ sur kaout un dra bennak (skaotañ al listri, ober ar menaj, ober ar servij en un davarn pe en un ostaleri, traoù un tamm heñvel ha "réceptionniste", hag all hag all, un hanter-kant labour bennak d'am soñj...). Met da ziwall zo : bez ez eus ur bern labourioù lec'h ma 'z eo ret kaout skiant-prenet (6 miz d'an nebeutañ, a-wechoù 2 vloaz
). Er mare-mañ e oan skaoterez listri en un ostaleri bras (war-dro 200 den, diaes a-walc'h al labour). Met ar gudenn gant an interim, labour 'zo pa vez unan bennak klañv, pe dougerez pe me oar-me, neuze kevredoù un devezh eo bewech. Da lâret eo tu 'zo dit labourat 20 devezh e miz Even da skouer, ha 4 devezh e miz Gouere. N'eo ket stabil tamm ebet, neuze e c'hell bezañ mat ober daou pe tri labour d'ar memes mare (ar pezh e ran bremañ). Ret e o diskouezh mat e peus an "niaque"
, e peus c'hoant labourat gant entan. Evidon adalek miz Ebrel e rin ar menaj e kambreier ul leti. Aze e labourin bep eil sizhun, d'ar sadorn ha d'ar sul. Pa vo echu ganin an arnodennoù e labourin bemdez betek miz Gwengolo (spi 'meus). E-penn kentañ e labourin 4 eurvezh dre zevezh, ha ma labouran buan ha mat, e vo ouzhpennet eurvezhioù din. A-raok miz Even, ma vez Adecco o pellgomz din evit skaotañ, sur a-walc'h e larin ya, ma n'eo ket d'ar memes devezh hag al leti. Seurt labour a vez kinniget d'ar re yaouank ha n'o deus stummadur ebet e bed al labour, pratik ha skiant-prenet ebet pe re nebeut. Met gant entan ez eus tu kavout diskoulmoù. Kregiñ a ran da gaout brud vat neuze ar boest interim a bellgomz din atav, gwelet o deus em boa c'hoant labourat.
Ar gudenn pennañ a zo ar fed e vefe re "aléatoire". N'eus ket a gopr stabil. Pellgomzet e vez d'an "interimaire" daou pe dri devezh a-raok an devezh labour, peogwir eo alies un den klañv eo ret erlec'hiañ.
Spi 'meus e respontan d'az koulenn. Kavout a ri, sur on. Dav eo dit diskouezh e peus c'hoant labourat, ha marteze asantiñ labourioù skuizhus. Kae da gaout titouroù e Adecco, Manpower...
Kalon vat ! D'am soñj evidon eo graet, met netra n'eo morse "acquis" neuze klask a ran ober ur bern devezhioù labour evit bezañ sur e c'hellin paeañ ar ranndi bep miz e-pad an hañv (hep yalc'had e-pad ar "vakañsoù" eo un tamm diaes
).
Diaes eo al labour a-wechoù (skuizhus evit ar c'horf) met pegen plijus eo fiñval (dedennus eo ar c'hentelioù met chom bepred war ur gador n'eo ket dispar), bezañ skuizh e fin an devezh ha n'eo ket peowir hon eus stranet a-hed an deiz, ha dreist-holl (dreist-holl, evel-just, ur wech an amzer eo displijus redek atav war-lerc'h al labour...), kaout ar gopr e fin ar miz ! Mod-all n'eus mare ispisial ebet evit kavout labour en interim.
Evit ar boulommigoù, bez ez eus unan ne gomprenan ket :
hag ur bern ne servijont da netra (evidon) :
pe mod-all ne gomprenan netra da netra (nevez on war internet...
).
Accueil 
Mod all, da Oro eo dresit-holl ar goulenn, peogwir e ouzan 'peus graet dija, met an holl a ch'ell respont evel-just, daoust hag-eñ eo efedus an "agence d'intérim"? Me garfe ober un dra 'vel "receptionniste" pe sekretourez. Kinnig a reont traoù giz-se? Ha daoust hag-eñ eo ar mare mat d'ober? Pe re abred/re ziwezhat? 
(psychotique!^^)
N'eus forzh petra... Mezhus on a-wechoù 
, mezhus...
