| Barzhoniezh | |
|
|
Auteur | Message |
---|
Aouregan
Niver a gemennadennoù : 38 Age : 36 Localisation : Bro Rouzig a-raok divroañ da Vro Leon Registration date : 22/02/2007
| Sujet: Barzhoniezh Sam 24 Mar - 11:45 | |
| Marteze ez eus barzhed dianav er forum-mañ ? Ha n'ho pefe ket c'hoant reiñ d'an holl un tañva eus ar pezh a vez skrivet ganeoc'h ? N'ouzon ma 'z eo ur mennozh hag a zedenn kement se a dud, met ma 'z oc'h entanet gant an dra-se, krogit e-barzh ! Tu 'zo ivez diskouezh barzhonegoù skrivet gant skrivagnerien a Vreizh, ma blijont kalz deoc'h. Gouzout a ran n'eo ket pal ar forum met ma ne vez ket embannet 20 000 barzhoneg, mont a ra. Spi 'meus e blij deoc'h ar mennozh | |
|
| |
Aouregan
Niver a gemennadennoù : 38 Age : 36 Localisation : Bro Rouzig a-raok divroañ da Vro Leon Registration date : 22/02/2007
| Sujet: Re: Barzhoniezh Sam 24 Mar - 11:52 | |
| An Ankou
Glizh an awen o verglañ goustad, o krazañ Ar skritur o krenañ, a-wechoù o semplañ Falsle ar spered, distruj ar brederioù Ha me. Andraf dre an anken hag ar boanioù.
Poan-spered, poan-galon, poan-buhez ha siwazh An Ankou tostaet, heñchet gant e varc'h en noazh Ha diskarn, ar garrigell o wigourat faro Er goañv distanet gant an erc'h hag ar marv.
oro
------------------------- Ar gwir 'zo reiñ hoc'h ali. | |
|
| |
marianna
Niver a gemennadennoù : 36 Age : 35 Registration date : 30/06/2006
| Sujet: Re: Barzhoniezh Mar 27 Mar - 8:50 | |
| Brav eo, Oro! plijout 'ra din ar mennozh, rediañ a raio ac'hanon da skrivañ muioc'h e Brezhoneg (shame on my face) psst, oro: distruj ar prederioù, ha "poan-kalon" ivez, met n'on sur, neuze ne lavaran netra!^^ Dav eo bet din sellet er geriadur evit "andraf"!^^ ha petra eo diskarn? Torr-penn on o pismigañ, ket? Met plijout a ra kalz din, gwir eo!^^ Tem koll an awen a zo tomm din dre ma c'hoarvezh (re) alies ganin, siwazh. Met mont a ra er mare mañ, gwell a-se!^^ Kerkent hag e mo un dra bennak da ginnig ez lakain amañ. Pokoù! | |
|
| |
Aouregan
Niver a gemennadennoù : 38 Age : 36 Localisation : Bro Rouzig a-raok divroañ da Vro Leon Registration date : 22/02/2007
| Sujet: Re: Barzhoniezh Mar 27 Mar - 13:10 | |
| Andraf a zo gwan e geriadur Roparz Hemon ha Ronan Huon (hini Al Liamm, 2005) met ivez "impotent' met boñ, brav eo ar ger, implijet e vo "gwan" hepken. Iskis koulskoude, n'emañ ket er geriadur unyezhek (An Here)... Boun, boun. Ha diskarn a zo, e geriadur R.H. ha R.H. (ha ha ha ha ha, me zo o paouez kavout ar fent-se, me zo o c'hoarzhin ma unan dirak ar skramm), hep kroc'hen na "kig" (barzhoniel-tre) (evit ober evel hor c'helenner bzg muiañ-karet a lâre pep tra e galleg hep displegañ e bzg, met ivez evit bezañ sur e gomprenfer va displegadenn mezhus : "décharné"), met amañ kennebeut n'emañ ket ar ger e geriadur An Here. Feuket on D'an nebeutañ Roparz Hemon ha Ronan Huon a zo a-du ganin, n'eo ket fall dija Evel-just a-wechoù ez eus iskis er geriadur, evel [succube > sukub , met kalz gwelloc'h eget Faverette, a-bell). Hast zo warnon lenn da oberennoù Ma, me 'meus lod all met war ar stern c'hoazh evit ar poent. | |
|
| |
marianna
Niver a gemennadennoù : 36 Age : 35 Registration date : 30/06/2006
| Sujet: Re: Barzhoniezh Mer 28 Mar - 5:11 | |
| kavet 'm eus andraf 'barzh an Here!^^ mod all e m'oa komprennet ster "diskarn", met, 'vel peus larêt, n'emañ ket barzh an Here (ha n'eus nemet emañ er ger) neuze ne oan ket re sur! pokoù! | |
|
| |
marianna
Niver a gemennadennoù : 36 Age : 35 Registration date : 30/06/2006
| Sujet: ale, zou! Ven 13 Avr - 14:23 | |
| bezomp kalonek!^^ setu un draig 'm eus skrivet fenoz.
Delwenn
Lâret ‘poa din gortoz Gortoz ha gortoz c’hoazh Gortoz fin an noz Gortoz, gortoz evel boaz.
Ha sell ouzhin bremañ Skornet din ma c’halon Ma eskern o verglañ Sell, sell ennon.
Sell ma gwad glas Ma daoulagad dipitet Ma daouarn sklas Ma muzelloù disec’het.
Sell eus ma c’hroc’henn Sant pegen yen eo Sell ouzh ma blev gwenn Dindan an heol berv.
Gwell petra ‘peus graet Petra ‘peus graet ac’hanon Gwell petra ‘peus lazhet Petra ‘peus kaset d’an anaon.
O c’hortoz ‘maon atav Troet da vaen Astennet dindan ar glav Ouzh da c’hortoz da viken.
Daeloù taer da zaoulagad A ruilh warnon difin Siwazh eo re ziwezhat Sell ar pezh peus graet ouzhin.
Sell ar pezh graet ouzhimp. | |
|
| |
Aouregan
Niver a gemennadennoù : 38 Age : 36 Localisation : Bro Rouzig a-raok divroañ da Vro Leon Registration date : 22/02/2007
| Sujet: Re: Barzhoniezh Lun 23 Avr - 5:10 | |
| Brav! Melkonius met d'am soñj n'eus nemet en dristidigezh ez eus tu kaout awen, gerioù al levenez n'int ket ken kreñv ha se. "O c’hortoz ‘maon atav Troet da vaen Astennet dindan ar glav Ouzh da c’hortoz da viken" Va c'halon a zo chomet mut en ur lenn an dra-mañ. Evit ar poent n'em eus ket skrivet kalz traoù, neuze dav eo din en em lakaat e-barzh ! | |
|
| |
Tolopi
Niver a gemennadennoù : 74 Age : 36 Localisation : Etrezek an anfin, ha pelloc'h zoken... Registration date : 09/07/2006
| |
| |
marianna
Niver a gemennadennoù : 36 Age : 35 Registration date : 30/06/2006
| Sujet: ale... Mar 1 Mai - 11:47 | |
| lakaat a ran ur varzhoneg all, "histoire de". Evit reiñ un tammig buhez d'ar forum! (daoust ma n'eo ket gwall laouen ar skrid!) pokoù d'an holl! (an titl n'eus netra da welet gant an destenn!!!)
Skeud ar Vran Dismantroù ur garantez gollet Rivinoù ur mousc’hoarzh Daoulagad flour damserret Heklev kozh ha difin da c’hoarzh.
Pelec’h ‘maout bremañ ma’z on distrujet ? Ne gleves ket don ennout Ma c’halon o talmañ, pennfollet ? Lavar din, pelec’h emaout ?
N’out ket bet em c’hichen alies Leñvet ‘m eus bet o soñjal en da zremm Kuzhet ‘m eus bet dit ne oa ket aes Mousc’hoarzhet ‘m eus hep klemm.
Miret ‘m eus ennon ma zrivliadoù Desket ‘m eus petra out Desket respont d’az ezhommoù Desket gwareziñ ac’hanout.
Chomet on e-tal an avel griz Evit reiñ goudor d’az kalon gloazet Dastumet da zaeroù evel gliz O c’hlebiañ beg ma bizied.
Chomet on dindan ar glav druz Ouzh da c’hortoz, ankeniet Pellgomzet ‘m eus en noz du O klask komprenn ar pezh ne zae ket.
Divrec’h on bet evit da luskellat Ur mousc’hoazh evit da levenez Komzoù evit da sioulaat Ur galon leun a garantez.
Ha bremañ ‘m efe ezhomm klevet N’eo ket grevus m’az on klañv, Klañv gant ar vuhez ‘m eus bevet, Hag e teuio a-benn nebeut fin ar goañv.
Pelec’h ‘maout bremañ ma’z eo ma zro Da vezañ flastret gant pouez ar vuhez Ma n’eo ket te, piv am adsavo ? Gerioù ar spi mouskanet gant da vouezh.
C’hoant ‘m efe e vefes evidon Ar pezh ‘m eus klasket bezañ evidout E sioulafes ar boan, an aon E rentfes din kement ‘m eus lakaet ennout.
An daeloù, ar mousc’hoarzhoù, ar spioù Kement ‘m eus roet dit hep distro Ar poanioù, an anken, ar souezhadennoù Lavar din petra a chomo, petra ‘m o ?
Diskouezh din ne oa ket en aner Diskouezh din ne oa ket un hunvre Diskouezh din ne oa ket dister Hag e kares ac’hanon ivez.
C’hoant ‘m eus kousket etre da zivrec’h Leñvañ e gwasked da dommder Disoñjal kudenn, poan spered ha bec’h Ha mousc’hoarzin en-dro tener.
Pelec’h emaout bremañ? Klev ma foan hep ma larfen dit Sikour ac’hanon da bareañ Evel ‘m efe graet ganit…
Dernière édition par le Ven 11 Mai - 5:43, édité 2 fois | |
|
| |
hoel
Niver a gemennadennoù : 69 Age : 36 Localisation : Dirak skramm ma urzhiataer, pe lec'h all Registration date : 01/07/2006
| Sujet: Re: Barzhoniezh Ven 4 Mai - 3:47 | |
| - marianna a écrit:
- An dealoù, ar mousc’hoarzhoù, ar spioù
Ralala, an istorioù dealer, echu a ra atav fall. - marianna a écrit:
- Leñvañ e gwasket da dommder
Gwasked, ket ? Brav ar barzhoneg, joaus, evel an holl re lakaet war ar forum. | |
|
| |
marianna
Niver a gemennadennoù : 36 Age : 35 Registration date : 30/06/2006
| Sujet: Re: Barzhoniezh Ven 4 Mai - 7:49 | |
| reizhet eo! ^^ | |
|
| |
Aouregan
Niver a gemennadennoù : 38 Age : 36 Localisation : Bro Rouzig a-raok divroañ da Vro Leon Registration date : 22/02/2007
| Sujet: Re: Barzhoniezh Ven 4 Mai - 12:21 | |
| Digarez Ma, merzhet em eus ur fazi all : "Leñvet ‘m eus bet o soñjal en da zremm" en trede foz. Mod all eo brav kenañ ar barzhoneg, santet em eus muioc'h a draoù amañ eget en hini gentañ, met pegen trist eo... Er mare-mañ ne 'meus awen ebet, re laouen on ha ne 'meus skeudenn trist ebet er spered. Siwazh ? N'ouzon ket, met ne 'meus ket c'hoant skrivañ traoù a levenez, un tamm "gnangnan" eo memestra... Dav eo din kavout un tem neuze. Ne 'meus ket a arnodennoù a-raok diriaou, neuze marteze e skrivin un tamm. | |
|
| |
Contenu sponsorisé
| Sujet: Re: Barzhoniezh | |
| |
|
| |
| Barzhoniezh | |
|