Gouel el lise d'ar merc'her 15/09

Dimerc'her tremenet on bet d'al lise da werzhañ ma levrioù skol. Gwelet em eus Lomig hag en deus lâret din e vo aozet ur gouel evit degemer an eilveidi d'ar merc'her 15 a viz Gwengolo el lise. Diouzh an noz e tremeno an traoù ; bez e vo sonerezh, barbecue ha pedet eo an holl liseidi kozh da zont, rak kelaouet eo bet Diwanet. Setu, setu karget e oan da gelaouiñ ar muiañ a dud, emichañs e lenno un nebeut tud ar gemennadenn-mañ. Evit ar mare, ne c'hellan ket lâret hag e teuin dimerc'her o tont, met emichañs e vo tud....

N'ouzon ket ma c'hellin mont kenebeut, met trugarez da vezañ bet kelaouet ac'hanomp atav.

n'ez eus ket a 15 a viz gwengolo d'ur merc'her ar bloaz man ...
ma 'z eo d'ar 15 a viz gwengolo eo bezet ...

N'eo ket d'ar 15, d'ar merc'her 13 e oa.

Eno 'oan, adkavet 'm eus Morwenna, Loeiz (an hini a oa e termen), Gwenole eveljust, Malo Morvan, Maelan, Manu Quem, Fañch Gwenn, Yoann ha Kevin Lefebvre...

Plijus oa. Dommaj eo 'vefez ket chomet betek ar fin, Morwenna :

Pedet omp bet gant ar renerien (Paol ha Lomig) da bakañ ur banne er brass' gant Markus ha Dudug, hag an holl "re gozh". Farsus oa. Ouzhpenn-se e oa un tamm lakaet diaes Paol ha dudug, dre m'o doa kollet alc'hwez o ranndi e Karaez...
Kousket o deus er c'hlañvdi !!

e gwirionez n'on ket chomet betek ar fin peogwir e kave din ne vefe netra goude ar fest-noz. Ret e oa lâret din chom. Ret eo din anzav memestra em boa diegi da renkañ ha setu n'em boa ket c'hoant gortoz e vefe renket pep tra hag aet kuit al liseidi en ur sellet ar re all o renkañ !!!! Domaj evit ar banne met kavet vo digarezioù e Roazhon evit pakañ ur banne (ha ket nemet unan !)

Ken ar c'hentañ

Adalek warc'hoazh : sizhunvezh kentañ e Roazhon evidon

P.S : Meal, abaoe re bell emaon e vakañsoù ha kregiñ ran da dreiñ sot, setu e vezan kollet gant an deiziadoù !

ha dudug zo o klask mougañ an afer-mañ hehe