Opala, pell 'zo ne oan ket tremenet dre amañ... Ha dre se n'em boa ket gwelet SE !
Ma, evit ar pezh a-denn eus ar marc'h-tan, evel ma 'z eo bet lavaret a us e vefe ar gwellañ lavar "marc'hoù"-tan, rak n'eus ket ul loen BEV eus ur marc'h-tan, evel ar marc'h-houarn... Lakaomp e c'hellfed lavar kezeg-tan, met n'eo ket ken mat (ha n'eo ket impljet kennebeut).
Evit ar peurrest... e c'hellan lavar ez on sebezet, hag eo chomet ma genou digor war nav eur e-pad ur pennadig p'em eus gwelet ar pezh a zo bet skrivet amañ...
- Citation :
- gouzout a rez mat ez eus bzg e breizh uhel breman, dre ma 'z out (n'ouzon ket dre beseurt choaz) eno. met n'ez eus brezhoneg a feson ebet ! nemt gant an nebeut leoniz divroet a vefe
Meal, Meal, Meal... Petra eo "ur brezhoneg a-feson" ? Petra eo se, hañ ? Brezhoneg ar c'hozh kouer a zo o chom e kreiz bro Leon, dic'houest da sevel ur frazenn hep lakaat daou c'her galleg evit ur ger brezhoneg ? (kreiz bro Leon pe kreiz bro Gerne pe forzh petra hañ, n'eo ket an afer amañ)
Brezhoneg "ar mirouer a gonfession", ar "Cantiquou spirituel" ?
Bebezh sotoni soñjal e vefe ur brezhoneg gwelloc'h eget ar re all a-fed broioù ! Penaos e c'hellfer lavar eo gwelloc'h brezhoneg Gwened, pe hini Kerne, Leon, Treger ?
Lakaomp eo chomet kalz kalz tostoc'h brezhoneg gwened d'ar brezhoneg kozh... Met netra ouzhpenn, traoù disheñvel a zo e-pep kornad, ha bep 30 kilometrad ez eus troioù-lavar ha pouezioù-mouezh disheñvel forzh penaos...
Ha deuet out-te betek bro Vigouden da gontañ kaoz gant unan bennak eus ar vro ? Bet out da atersiñ tud bro Sant-Brieg ? Kreiz Breizh ?
Bro Zol ?
Evel ma lavare Mael,
- Citation :
- N'omp ket en XIXvet, koko
Ha brezhonegerien a zo e Breizh Uhel abaoe pell, pell, ha liv ebet eus brezhoneg Leon war ho hini te 'oar...
Daoust ha dont a ra tud Lille da lavar da re Vassilla ez eus ur galleg gwelloc'h ganto ?
Forzh petra, da vat.
Hag ar falc'huneg... Ma, ar falhuneg... Ma digarez, met gwasoc'h eget ar falc'huneg evit ar rannyezhoù, n'eus nemet ar Morvanaoueg...
Savet eo bet ar peurunvan a-benn derc'hel d'ar rannyezhoù ! Setu penaos eo troet ar yezh skrivet KLT (Kerne Leon Treger, hañ, ket Kon, Lart, Tev) da beurunvan, gant gwenedeg (oooooooh, ur zh ! Bah ya, evit ar wenedourien...)
Penaos gellout mont war-raok pa vez meur a zoare da skrivañ an hevelep yezh ? Penaos lavar zoken ez eus un dazont eviti ma n'heller ket en em glevet war ar reizhskrivañ ?
Digalonekaet on pa welan levrioù brav o vezañ embannet evit ar vugale, levrioù kegin dispar, e liv ha pep tra, met e FALC'HUNEG ! Padal e vez kelennet an holl vugale e peurunvan... Setu penaos e kaser ur yezh d'an traoñ... Ar yezh emaomp o klask lakaat da treuzvevañ hañ...
Ma, pa lavaran kement-mañ, 'lâran netra...
Noz vat d'an holl